Qazaqstandyq fýtbol klýbtarynyń eýrokýboktaǵy alǵashqy qarsylastary qashan anyqtalady

ASTANA. KAZINFORM — Qazaqstandyq fýtbol klýbtarynyń eýrokýboktaǵy alǵashqy qarsylastary qashan anyqtalatyny belgili boldy.

Eýrokýboktyń jerebe tartý rásimi 17 maýsymǵa belgilengen. Bul kúni qazaqstandyq klýbtar Chempıondar lıgasy, Eýropa lıgasy, Konferentsııa lıgasyndaǵy qarsylastaryn anyqtaıdy. 

Bıyl Chempıondar lıgasynda el namysyn almatylyq «Qaırat». qorǵaıdy. Atalǵan týrnırdiń alǵashqy kezeńi 8-9, 15-16 shilde kúnderi ótedi.

Al Eýropa lıgasynda «Aqtóbe» baq synaıdy. Aqtóbelik klýb 10-17 shildede birinshi jáne qarymta oıyndaryn ótkizedi.

Al Konferentsııa lıgasynda shymkenttik «Ordabasy» birinshi irikteý kezeńinen bastaıdy. Bul oıyndar 10-17 shilde kúnderine belgilengen. Atalǵan týrnırde «Astana» ekinshi irikteý kezeńinen saıysqa túsedi. Olardyń qarsylasy 18 maýsym kúni anyqtalady. Ekinshi irikteý kezeńi 24 jáne 31 shildede ótedi.

Eske salsaq, fýtboldan áıelder arasyndaǵy Qazaqstan chempıonatynda BIІK iri eseppen jeńdi.