Qazaqstandyq fýtbol bapkerleriniń qaısysy shetelde suranysqa ıe

Jyl saıyn qazaqstandyq túlekterdiń eýropalyq klýbqa ketetini týraly jaǵymdy jańalyqtardy jıi kózimiz shalatyn boldy. Olardyń arasynda top-klýbtar kóztikken Karım Mendıkanov jáne Dastan Sátpaev sekildi jas talanttar bar. Bul otandyq jas fýtbol sheberleri eń joǵary deńgeıde oıyn kórsetý úshin naqty talaptarǵa sáıkes keletinin aıǵaqtaıdy.

Oǵan qosa qazir qazaqstandyq jankúıerler olardan jasy úlken tájirıbeli fýtbolshylardyń eýropalyq klýbtarǵa aýysyp jatqanyn jaqsy biledi, Atap aıtqanda, búginde ulttyq quramanyń úsh oıynshysy - Islam Chesnokov, Stas Pokatılov jáne Nuraly Álip Shotlandııa, Ázerbaıjan jáne Reseı klýbtarynyń quramynda sol elderdiń chempıonatynda qol jetkizdi.

Kazinform bapkerlik tájirıbesi arqyly shetelde suranysqa ıe bolǵan qazaqstandyq bes mamannyń qyzmetine nazar aýdardy.

Aleksandr Kýznetsov

Qazaqstandyq jańa tolqyn bapkerlerdiń arasynda eń kóp tanymal atanǵan Aleksandr Kýznetsov uzaq ýaqyt boıy elimizdiń jastar jáne jasóspirimder quramasynyń tizginin ustady. Bul qyzmetinde ol barlyǵy 122 oıyn ótkizdi.

Quramada jumys istegen kezinde 41 jastaǵy maman Brain Football dep atalatyn fýtbolshylardy daıarlaýdyń ózindik ádistemesi men fılosofııasyn ázirledi. Onyń fılosofııasy sheńberinde «fýtbol ıntellektisin» damytýǵa basymdyq beriledi, oıynshynyń jaǵdaıdy tez taldap, alańda durys sheshim qabyldaý qabileti eskeriledi. Sondaı-aq onyń ádistemesi boıynsha barlyq jasóspirimder quramasy úshin biryńǵaı damý baǵdarlamasy men oıyn stıli (U15-ten U19-ǵa deıin), júıelik skaýtıng jáne bapkerdiń oıynshylardy oqytýǵa basa nazar aýdarýy mańyzdy dep esepteldi. Qazaqstanda bul ádistemeni sátti engizý tájirıbesi negizinde oǵan Qytaı klýbtary qyzyǵýshylyq bildirdi jáne Shanhaıǵa shaqyrtý aldy. Bapkerdiń aıtýynsha, halyqaralyq tájirıbe - kásibı damýdyń mańyzdy quramdas bóligi.

Samat Otarbaev

Búginde 36 jasqa tolǵan Samat Otarbaev qazirge deıin elimizdegi «Ordabasy», «Aqtóbe», «Taraz» jáne «Qyran» klýbtarynda qaqpashy qyzmetin atqardy. Qazaqstan ulttyq quramasyna shaqyrtý aldy. 2025 jyldyń basynda Samat Qytaıǵa keldi. 2026 jyldyń naýryz aıynda qytaılyq «Sıntszıan Tszındýn» komandasymen kelisimshartyn jalǵastyrdy.

2026 jyldyń mamyrynda ol qytaılyq Chempıondar lıgasynda (CMCL - tórtinshi dıvızıon) onyń shákirtteri tusaýkeser oıynyn ótkizip, týrnırdi iri 5:0 esebimen bastady. 

Keıingi bergen suhbatynda Samat Otarbaev Shyńjań-Uıǵyr avtonomııalyq aýdanynyń qurama júıesimen kelisimshartty uzartý týraly aıtty. Ol qazir U-18 jastarymen jumys isteıtinin jáne Gýansı provıntsııasyndaǵy iri ulttyq «Úsh úlken dop» (fýtbol, basketbol, voleıbol) týrnırine qatysatynyn atap ótti. Sondaı-aq ol Qytaıdyń Chempıondar Lıgasynda (CMCL) qaqpashylar bapkeri retindegi «Sıntszıan Tszındýn» klýbyndaǵy tusaýkeser kezdesýin rastady, onda komanda pleı-offqa sátti shyqty.

Azat Kurmanov

Otarbaevtyń qurdasy Azat Qurmanov Aleksandr Kýznetsovpen birge Qazaqstan jasóspirimder quramasynda (U-19) qaqpashylar bapkeri retinde qyzmet atqardy jáne «Brain Football» fılosofııasymen jaqsy tanys. Sondyqtan onyń tájirıbesine shetelde qyzyǵýshylyqtyń bolýy tańǵalarlyq jaǵdaı emes.

Qazirgi ýaqytta Qurmanov Shandýn provıntsııasyndaǵy Lını qalasynyń jastar komandasy men akademııasynyń qaqpashylar bapkeri bolyp jumys isteıdi. Onyń 2026 jyly Qytaıǵa ketýi basqa qazaqstandyq mamandarmen birlesip jastar fýtbolyn damytý jónindegi halyqaralyq jobaǵa qatysýmen baılanysty júzege asty.

Vladımır Chebýrın

Búginde 60 jastaǵy Vladımır Chebýrın bapkerlik qyzmetin 2000 jyldardyń alǵashqy kezeńinde bastady. 2014-2025 jyldary ol lıtvalyq («Krýoıa», «Sýdýva», «Jalgırıs») klýbtarda ótkizdi.

Sol elde birneshe márte chempıondyq ataqty jeńip alsa, 2022 jyly «Jalgırısti» eýrokýbok oıyndarynyń toptyq kezeńine alyp shyqty. 
Lıtvadaǵy qyzmetinen keıin mol tájirıbe jınaqtaǵan Chebýrın Qazaqstanǵa oraldy. Qazir Qazaqstan jastar quramasy (U-21) men «Atyraý» fýtbol klýbynda jetekshilik etedi.

Erjan Serǵazın

Ao 49-jastaǵy Erjan Serǵazın qazirgi ýaqytta Norvegııada qyzmet atqarady. Onda fýtbolshylardy daıarlaýdyń ózindik júıesin damytý isine kóńil bólip otyr. Onyń qaqpashylar bapkeri (UEFA-nyń A lıtsenzııasy) jáne psıhologııalyq daıyndyq mamany (sport psıhology) sekildi eki mamandyǵy bar, onda Eýropa chempıonattarynyń kásibı oıynshylarymen (Norvegııa, Danııa jáne t.b.) jumys isteıdi.

Onyń bapkerlik ádistemesi «Fýtboldaǵy zeıin» degen maǵyna beredi. Mamannyń aıtýynsha, mańyzdy ekpin oıynshylardyń alańdaǵy tıimdiligin arttyrýyna nazar aýdarylady. Bul olardyń emotsıonaldy jaǵdaıyna áser etedi.

Fýtbolshy retinde Erzat Serǵazın «Qaırat», «Jetisý» jáne «Almaty» komandalarynda qaqpaghshy mindetin atqardy, keıin Polsha men Norvegııa klýbtarynda oınady. Bapkerlik mansabyn norvegııalyq «Brattvag» klýbynda bastady.

Eske salsaq, Qazaqstan Premer-lıgasynda «Ertis» pen «Elimaı» teń nátıjege qanaǵat bildirdi.