Qazaqstandyq fılm Qytaıdaǵy baıqaýda úzdik operatorlyq jumys nomınatsııasyn jeńip aldy

ASTANA. KAZINFORM — Qytaıda ótken «Altyn panda» baıqaýynda qazaqstandyq Azamat Dýlatov úzdik operatorlyq jumys nomınatsııasyn jeńip aldy, dep habarlaıdy qytaılyq Halyq gazeti.

Sychýan ólkesiniń Chendý qalasynda ótken ekinshi «Altyn panda» baıqaýynda 27 syılyq tabys etildi. Marapatqa ıe bolǵandardyń ishinde qazaqstandyq Azamat Dýlatov ta bar. Ol «Qash» fılmimen úzdik operatorlyq jumys nomınatsııasyn jeńip aldy.

Atalǵan «Qash» fılmi eki aǵaıyndynyń jeke oqıǵasy arqyly 1931-1933 jyldardaǵy qazaq dalasyndaǵy jappaı asharshylyq tragedııasyn baıandaıdy.

Aıta keteıik, baıqaýda fılmder, telehıkaıalar, derekti fılmder men mýltfılmderdiń tórt negizgi nomınatsııasy boıynsha, sondaı-aq qazylar alqasynyń arnaıy júldesi boıynsha barlyǵy 27 marapat jarııalandy.

«Altyn panda» marapattary — dáýirdiń kvıntessentsııasyn beıneleıtin, halyqaralyq perspektıvalardy kórsetetin, jalpy adamzattyq qundylyqtardy nasıhattaıtyn jáne emotsıonaldy baılanystardy týdyratyn erekshe kıno jáne telejumystarǵa beriletin halyqaralyq baıqaý. Halyqaralyq qazylar alqasynyń quramyna álemdik yqpaly bar qurmetti mamandar shaqyrylady.

Eske sala keteıik, buǵan deıin Dımash Qudaıbergen Shanhaı halyqaralyq kınofestıvaliniń jabylý saltanatynda óner kórsetkenin jazǵan edik.