Qazaqstandyq faıter UFC-degi alǵashqy aıqasy aldynda salmaq ólsheýden ótpeı qaldy
ASTANA.KAZINFORM — Qazaqstandyq aralas jekpe-jek sheberi Dııar Nurǵojaı (10-0) UFC-degi alǵashqy aıqasy aldynda salmaq ólsheý rásimine qatysty.

Qortyndysynda, qazaqstandyq sportshy tarazyda 95.48 keli kórsetip, belgilengen lımıtten 2.3 keli aýyr shyqty. Al qarsylasy Brendson Rıbeıro (16-7) 92.98 keli kórsetip, lımıtti sátti oryndady.
Alaıda, qarsylasy kelisken jaǵdaıda, qazaqstandyq faıter aıyppul tólep jekpe-jekti jalǵastyra alady.
Aıta keteıik, Dııar jartylaı aýyr salmaqta osyǵan deıin 10 jekpe-jek ótkizip barlyǵynda jeńiske jetken.
Qazaqstandyq faıter ótken jyly UFC prezıdenti Dana Ýaıttyń Pretendentter serııasynda jeńiske jetip, UFC-pen kelisim jasasqan bolatyn.
Eske salaıyq, Dııar-Brendson aıqasy 15 naýyz Las-Vegasta ótetin UFC Vegas 104 týrnıri aıasynda ótedi.