Qazaqstandyq Eva Korysheva Aýstralııadaǵy jarystyń fınalısi atandy

MELЬBÝRN. KAZINFORM — Aýstralııa ashyq chempıonatyna oraılastyrylǵan «Melbýrn park» korttarynda Asla-Pacific Elite 14 & Under Trophy jasóspirimder týrnıri máresine jetti.

Qazaqstandyq, 14 jasar Eva Qorysheva bedeldi jarysta tabysty óner kórsetti.

Aqtóbe tennıs mektebiniń túlegi tek fınalda ǵana tartysty matchta kort ıesi Emılı Chenge ese jiberdi — 6:2, 4:6, 4:6.

Keshe jańbyrǵa baılanysty barlyq matchtar keıinge qaldyrylǵandyqtan, qazaqstandyq sprrtshyǵa búgin jartylaı fınaldy bitirip, sońǵy básekege shyǵýyna týra keldi.

Eva Pavel Tsoıdyń qaramaǵynda jattyǵady. Ótken jyly 24 kezdesýdiń 19-ynda (83 paıyz) jeńiske jetip, rekordtyq nátıje kórsetken.

Jyldy Tennis Europe reıtıngisinde 18-orynmen aıaqtaǵan edi.

Sondaı-aq ol Eýropa tennıs qaýymdastyǵynyń «Jyldyń úzdik sheteldik oıynshysy» (Eýropa odaǵyna kirmeıtin elderden) syılyǵyn alǵan-dy.

Eske sala keteıik, budan buryn qazaqstandyq Eva Koryshevanyń Aýstralııadaǵy jarystyń jartylaı fınalynda oınaıtynyn jazǵan bolatynbyz.

Sondaı-aq Aýstralııa ashyq chempıonatynda áıelder arasynda fınalǵa shyqqan tennısshiler anyqtaldy.