Qazaqstandyq estrada juldyzdary Beıjińde óner kórsetedi

ASTANA. KAZINFORM – Qazaqstannyń halyq ártisi Roza Rymbaeva, QR eńbek sińirgen ártisi Maıra Muhamedqyzy, opera ánshisi Zarına Altynbaeva, «Ulytaý» etno-rok toby, Abaı atyndaǵy QazUOBT hor ujymy, «Serper» jáne «Sazgen sazy» ansamblderiniń shyǵarmashylyq ujymdary, «Astana Balet» balet trýppasy Qytaıdaǵy qazaqstandyq týrızm jylynyń ashylýyna oraı ótetin gala-kontsertke qatysady.

29 naýryzda Beıjińdegi China National Opera House sahnasynda Qytaıdaǵy qazaqstandyq týrızm jylynyń ashylý saltanaty ótedi.

Qytaıdaǵy qazaqstandyq týrızm jylynyń ashylýy aıasynda 30 naýryzda beıjińdik tanymal 798 art aımaǵynyń alańynda «Naýryz Fest» ótedi.

Qazaqstandyq ártister men shyǵarmashylyq ujymdar Beıjiń qonaqtary men turǵyndary úshin aýqymdy merekelik baǵdarlama daıyndady.

QHR astanasyndaǵy iri zamanaýı óner ortalyǵynda «Súgir» qazaq halyq aspaptar orkestri men «ıAssy» bı ansambli óner kórsetedi.

Eske sala ketsek, 2024 jyl Qytaıda qazaqstandyq týrızm jyly bolyp jarııalandy.