Qazaqstandyq eskekshilerden Azııa oıyndarynda alǵashqy nátıje: Roza Keńes fınalda
ASTANA. KAZINFORM — Aıchı-Nagoıada (Japonııa) ótip jatqan Azııa oıyndarynda akademııalyq eskek esýden básekeler bastaldy. Bul týraly UOK málim etti.
Alǵashqy jarys kúninde otandastarymyz eki V fınalyna joldama aldy. Ashanbek Bapan jekeleı saıysta 7:00.52 ýaqyt kórsetkishimen segizinshi orynǵa jaıǵasyp, V fınalyna ótti. Sondaı-aq Alekseı Krasnovskıı men Vladıslav Galkın juptyq ekilikte 6:36.28 ýaqyt nátıjesimen besinshi oryn alyp, V fınalyna ótti.
Qazaqstandyq sportshy Roza Keńes eskek esýden Aıchı-Nagoıada (Japonııa) ótip jatqan 2026 jylǵy Azııa oıyndarynyń irikteý kezeńinde synǵa tústi. Roza Keńes jeńil salmaqtaǵy jekeleı saıysta A fınalynda óner kórsetedi. Otandasymyz irikteý kezeńinde qashyqtyqty 7:49.70 ýaqytta baǵyndyryp, besinshi orynǵa ıe boldy. Osylaısha ol irikteýden sátti ótti.
Aıta keteıik, jeńil atlet Krıstına Morozova el qorjynyn kúmis medalmen tolyqtyrdy.
