Qazaqstandyq eskekshiler Japonııadaǵy Azııa chempıonatynda eki altyn medal jeńip aldy
ASTANA. KAZINFORM — Qazaqstan quramasy Japonııanyń Kıoto qalasynda ótip jatqan eskek esý marafony boıynsha Azııa chempıonatyndaǵy alǵashqy júldelerin enshiledi.
Qurlyq birinshiliginde Kırıll Týbaev pen Polat Tórebekov altyn medal ıelendi.
Kırıll Týbaev baıdarkamen esýde 3400 metr qashyqtyqta top jaryp, Azııa chempıony atandy.
Al Polat Tórebekov 3 400 metr qashyqtyqtaǵy kanoe jarysynda márege birinshi bolyp kelip, jeńis tuǵyrynyń eń bıik satysyna kóterildi.
Eske salaıyq, buǵan deıin Anna Cherkashına jeńil atletıkadan Qazaqstan rekordyn jańartqanyn jazǵanbyz.
