Qazaqstandyq eskekshiler Azııa chempıonatyn tórt altyn medalmen aıaqtady
ASTANA. KAZINFORM – Japonııanyń Kıoto qalasynda ótken eskek esý marafony boıynsha Azııa chempıonaty aıaqtaldy.
Qazaqstan quramasy qurlyq birinshiligin tórt medalmen aıaqtady.
Kırıll Týbaev baıdarkamen eskek esýden 10 shaqyrymdyq jarysta altyn medal jeńip aldy.
Al Polat Tórebekov 10 shaqyrymdyq qashyqtyqta kanoemen eskek esýde top jardy.
QR UOK málimetinshe, osylaısha, Qazaqstan quramasynyń enshisinde tórt medal bar. Buǵan deıin Kırıll Týbaev baıdarkamen esýde 3400 metr qashyqtyqta úzdik atansa, Polat Tórebekov 3400 metr qashyqtyqtaǵy kanoe jarysynda márege birinshi bolyp jetken edi.
Aıta keteıik, Qazaqstan taekvondodan Indonezııadaǵy halyqaralyq týrnırde tórt medalǵa ıe boldy.
