Qazaqstandyq eskekshiler álem chempıonatynda toǵyzynshy oryn aldy
ASTANA. KAZINFORM — Qazaqstandyq sportshylar Polshanyń Poznan qalasynda ótip jatqan baıdarka men kanoeda eskek esýden álem chempıonatynda kezekti fınaldyq jarysqa qatysty.
Áıelder arasyndaǵy kanoe-ekilikterdiń 200 metr qashyqtyqtaǵy jarysynda Marııa Brovkova men Ýlıana Kıseleva fınalǵa joldama aldy.
Fınalda qazaqstandyq sportshylar 43,99 sekýnd nátıjesimen toǵyzynshy orynǵa ıe boldy.
Altyn medaldi Belarýs quramasynyń ókilderi ıÝlııa Trýshkına men Inna Nedelkına 42,26 sekýnd nátıjesimen jeńip aldy.
Ózbekstandyq Shohsanam Sherzodova men Nılýfar Zokırova 42,52 sekýnd kórsetkishpen kúmis júldege ıe boldy.
Qytaılyq Shýaı Chanven men Lın Ventszıýn 42,65 sekýnd nátıjesimen qola medal aldy.
