Qazaqstandyq erkin kúres sheberleri Túrkııadaǵy týrnırde bes medal jeńip aldy

ASTANA. KAZINFORM – Qazaqstan quramasy erkin kúresten Túrkııanyń Kodjaelı qalasynda ótken halyqaralyq týrnırde sátti óner kórsetti.

QR UOK málimetinshe, bizdiń qurama jarysty bes medalmen aıaqtady.

Jeńis tuǵyrynyń eń bıik satysyna Nurqoja Qaıpanov (74 kelige deıin) pen Rızabek Aıtmuhan (97 kelige deıin) kóterildi.

Sonymen qatar komanda qorjynyna úsh kúmis medal tústi. Nachyn Kýýlar (70 kelige deıin), Azamat Dáýletbekov (86 kelige deıin) jáne Álisher Erǵalı (125 kelige deıin) ekinshi nátıje kórsetti.

Qazaqstan komandalyq esepte Túrkııaǵa ese jiberip, ekinshi orynǵa ıe boldy. Úshinshi oryn Bolgarııaǵa buıyrdy.

Aıta keteıik, qazaq kúresinen eki dúrkin álem chempıony Muhıt Tursynov jastarǵa úndeý jasady.