Qazaqstandyq Elızaveta Matveeva Azııa chempıony atandy

ASTANA. KAZINFORM – Iran astanasy Tegeranda ótip jatqan jabyq keshendegi XI Azııa chempıonatynyń ekinshi jarys kúni aıaqtaldy.

Sportty damytý dırektsııasynyń baspasóz qyzmeti málim etkendeı, búgin ulttyq qurama qorjynyna taǵy 3 medal tústi. Bıiktikke sekirýde Elızaveta Matveeva 1.86 metrdi baǵyndyryp, chempıon atandy.

Byltyrǵy Astanadaǵy básekede bas júldeni Nadejda Dýbovıtskaıa jeńip alsa, Elızaveta 2-orynnan kóringen.

Al 60 metrge júgirýde Olga Safronova (7.35 sekýnd) márege 2-bolyp jetti. Ol byltyr Astanada ótken Azııa chempıonatynda osy qashyqtyqta kúmis júldeger atanǵan.
Sondaı-aq úsh qarqyp sekirý saıysynda Marııa Efremova (13.48 metr) qola júldege ıe boldy.
Qazir Qazaqstan quramasynda 2 altyn, 2 kúmis, 2 qola medal bar.

Al keshe, ıaǵnı jarystyń alǵashqy kúninde Qazaqstan quramasy qorjynyna 3 júlde túsken bolatyn. 60 metrge kedergilermen júgirýde Davıd Efremov 7,60 sekýnd ýaqyt kórsetkishimen chempıon atandy. Osylaısha, Davıd byltyr Astanda ótken sary qurlyq chempıonatyndaǵy ataǵyn qorǵap qaldy.

ıAdro laqtyrý saıysynda Ivan Ivanov 19,08 metr nátıjesimen kúmis medal ıelendi. Al 1500 metrge júgirýde Aıana Bolatbekqyzy 4:37.20 ýaqytpen úzdik úshtikti túıindedi. 

Bıylǵy qurlyq dodasyna elimizdiń atynan 29 atlet qatysyp jatyr. 

Tegerandaǵy chempıonat 19 aqpanda máresine jetedi.