Qazaqstandyq ekinshi boksshy álem kýbogynda jarystan shyǵyp qaldy
ASTANA. KAZINFORM — World Boxing federatsııasynyń uıymdastyrýymen ótip jatqan bokstan álem kýbogynda 20 sáýirde el quramasynan 1/8 fınalda Dáýlet Tólemisov brazılııalyq Fılo Isaıaspen qolǵap túıistirdi.
Otandasymyz birinshi nómirde judyryqtasyp, basymdyqty alýǵa tyryssa da, qarsylas qarymta shabýylda jyldam ári dál soqqylarymen jeńisti óz enshisine jazdy. Qorytyndy esep: 0:5.
Osylaısha ol jarysty erte aıaqtaýǵa májbúr boldy.
Aıta ketsek, budan buryn Nazym Qyzaıbaı (54 keli) Túrkııa ókili Aısen Taskınnen 4:1 esebimen basym tústi.
Sondaı-aq Janseri Kósherbaev (60 keli) ırlandııalyq Djýd Gallaherge ese jiberip, 1/16 fınaldan asa alǵan joq.
Bedeldi báseke Brazılııanyń Fos-dý-Igýasý qalasynda 20-26 sáýir aralyǵynda ótkiziledi. Al keshki sessııada 4-jupta 1/16 fınal. Farýh Toqtasynov (70 keli) ırlandııalyq Djon MakKonnel, 13-jupta 1/16 fınalda Dıas Moljigitov (80 keli) japonııalyq Kaı Torıabemen sharshy alańǵa shyǵady.
Keshki sessııa Qazaqstan ýaqytymen 01:00–de bastalady.
