Qazaqstandyq eki jas tennısshi úzdik sheteldik oıynshy atandy

Qazaqstandyqtar Eva Korysheva men Danıel Tazabekov Tennis Europe serııasy boıynsha 2023 jyldyń úzdik sheteldik oıynshysy atandy, dep habarlaıdy Kazinform. 

Qazaqstan tennıs federatsııasynyń baspasóz qyzmetinen málim etkenindeı, 14 jasar Eva men 16 jasar Danıel Eýropa tennıs qaýymdastyǵynan (Tennis Europe Tour) «Jyldyń úzdik oıynshysy» (Eýropalyq odaq elderinen emes) syılyǵyna ıe boldy.

E.Korysheva jyldy Ystanbul týrnırindegi jeńispen bastady. Sodan keıin Belgııada birinshi sanattaǵy jarysta úzdik shyqty. Eva Tennis Europe reıtınginde jekeleı synda jyldy 18-orynmen qorytyndylady. Ol 24 utys, 5 jeńilispen (83 paıyz) rekordtyq kórsetkishke qol jetkizdi. Sondaı-aq juptyq synda eki márte chempıon atandy.

Tazabekov Tennis Europe aıasynda ótken jeti dodada baq synap, turaqty joǵary nátıjelerge ıe boldy. Sonyń nátıjesinde jyl sońynda 20-orynǵa kóterildi. Onyń rekordtyq kórsetkishi –15 jeńis, 7 utylys (68 paıyz). Bıyl ol juptyq synda eki ret Ispanııada Avıleste Apple Bowl jáne Italııada Tolentıno týrnırinde (ekeýi de birinshi sanat) ozyq shyqty.

Ótken jyly osyndaı ataqqa Zańǵar Nurlanuly, al 2021 jyly Zara Dárken ıe bolǵan edi.

Eske sala keteıik, budan buryn Dmıtrıı Popkonyń Túrkııadaǵy jarystyń jeńimpazy atanǵanyn jazǵan bolatynbyz.