Qazaqstandyq eki tennısshi Frantsııada negizgi jarysqa joldama aldy

ASTANA. KAZINFORM — Qazaqstandyqtar Beıbit Juqaev pen Mıhaıl Kýkýshkın Lıon (Frantsııa) chellendjer týrnıriniń irikteý kezeńin sátti ótkizdi.

Dúnıejúzilik reıtıngide 282-orynda turǵan B.Juqaev irikteý saıysynyń jartylaı fınalynda álemniń 263-raketkasy, lıtvalyq Edas Býtvılasty 6:4, 6:3 esebimen utty.

Beıbit irikteýdiń fınalynda álemniń 207-raketkasy, ulybrıtanııalyq Djordj Loffagennen aılasyn asyrdy – 6:4, 6:4.

Reıtıngide 317-satydaǵy M.Kýkýshkın aldymen álemniń 201-raketkasy, belgııalyq Jıl-Arno Beııdi oısyrata jeńdi – 6:1, 6:3.

Sodan keıin qazaqstandyq tennısshi álemniń 277-raketkasy, reseılik Marat Sharıpovty joldan taıdyrdy – 6:4, 6:4.

Osylaısha, negizgi kezeńge joldama alǵan B.Juqaev alǵashqy aınalymda álemniń 100-raketkasy, germanııalyq ıAn-Lennard Shtrýfpen, M.Kýkýshkın reıtıngide 124-oryndaǵy ulybrıtanııalyq Bıllı Harrıspen sheberlik baıqasady.

Eske sala keteıik, budan buryn Elena Rybakınanyń álemdik reıtıngide úzdik bestikke engenin jazǵan edik. 

Sondaı-aq álemdik reıtıngide Aleksandr Býblık alǵash ret 11-orynǵa kóterildi.