19:30, 09 Qyrkúıek 2024 | GMT +6
Qazaqstandyq eki sportshy kóshpendiler oıynynda qola júlde jeńip aldy
ASTANA. KAZINFORM — Qazaqstan mas-restlıngten ulttyq quramasy sportshylary Birimjan Asylmurat jáne Tahmına Qojamberdıeva V Dúnıejúzilik kóshpendiler oıyndarynyń qola júldesin qanjyǵalady.
Alaý sport kesheninde ótip jatqan básekede, Birimjan Asylmurat (65 keli) mongolııalyq sportshy Ttserentsogol Pýrevsýrenmen qola júldege talasyp, qarsylasynan 2:0 esebimen basym tústi.
Al áıelder arasynda 55 keli salmaq dárejesinde otandasymyz Tahmına Qojamberdıeva úshinshi orynǵa talasta Majarstannan kelgen qarsylasyn 2:0 esebimen tize búktirdi.
Aıta keteıik, Saha halqynyń ulttyq sporty mas-restlıngten jarysqa 31 memleketten 98 sportshy qatysyp jatyr. Atalǵan sport túrine Qazaqstan ulttyq quramasy atynan 8 sportshy synǵa túsedi.
