Qazaqstandyq eki maman halyqaralyq tennıs tóreshisi mártebesin aldy

ASTANA. KAZINFORM — Qazaqstandyq tennıs tóreshileri Damır Dúısenbaev pen Elvıra Islamǵalıeva Bahreınde Halyqaralyq tennıs federatsııasynan (ITF) White Badge Chair Umpire aq belgisin aldy. 

Qazaqstan tennıs federatsııasynan málim etkenindeı, bul olardyń minbedegi halyqaralyq tóreshi mártebesine ótkendigin bildiredi. 

D.Dúısenbaev pen E.Islamǵalıeva Qazaqstan tennıs federatsııasy uıymdastyrǵan ulttyq jáne halyqaralyq týrnırlerde ózderin jaqsy qyrynan kórsetip, biliktilikterin tanyta bildi. Bul ITF tarapynan eleýsiz qalǵan joq. Endi olar ITF World Tennis Tour jáne ATP Challenger jarystarynda minbedegi tóreshi retinde qazylyq etetin bolady. 

Qazaqstannan buǵan deıin Merýert Káýkeeva men ıÝlııa Ignatchenko tóreshiniń kúmis belgisin (Silver Badge) alǵan edi. Bul mamandar «Úlken dýlyǵa» týrnıri, Olımpıada jáne Azııa oıyndary, sondaı-aq ATP jáne WTA dodalarynda tóreshilik ete alady. 

Ótken jyly Vladlena Samenkova qola belgige (Bronze Badge) qol jetkizdi.

Damır Dúısenbaev pen Elvıra Islamǵalıevany qosqanda, qazirgi kezde Qazaqstanda halyqaralyq ITF belgisine ıe bolǵan toǵyz tóreshi bar.

Eske sala keteıik, budan buryn Merýert Káýkeevanyń tennısten tóreshiniń kúmis belgisine ıe bolǵanyn jazǵan edik.