Qazaqstandyq eki balýan AQSh-ta ótken U23 álem chempıonatynda altyn medal jeńip aldy
ASTANA. KAZINFORM — Qazaqstandyq balýandar ıÝsýf Ashrapov pen Aıbek Aıtbekov AQSh-tyń Las-Vegas qalasynda ótip jatqan U23 álem chempıonatynda altyn medal ıelendi. Grek-rım kúresinen synǵa túsken otandastarymyz tıisinshe 72 jáne 60 kelige deıingi salmaq dárejelerinde top jardy.
72 kelige deıingi salmaq dárejesinde synǵa túsken ıÝsýf Ashrapov jarysty senimdi jeńistermen bastap, fınalda Armenııa ókili Gaspar Terterıanmen kezdesti. Tartysty ótken beldesýde ıÝsýf 4:3 esebimen jeńiske jetip, U23 álem chempıony atandy.
Al 60 kelige deıingi salmaqta Aıbek Aıtbekov te qarsylastarynyń barlyǵyn jeńip, altyn medalǵa qol jetkizdi.
Fınalǵa joldama úshin ótken beldesýde ýkraınalyq Evgen Pokovbany 5:4 esebimen jeńgen Aıbek altyn júlde úshin ázirbaıjandyq Elmır Alıevpen kezdesti. Sheshýshi beldesýde qarsylasynan 13:4 esebimen basym túsken otandasymyz álem chempıony atandy.
Sonymen qatar, Qazaqstan quramasynyń taǵy eki balýany medalǵa talasady. 87 kelige deıingi salmaqta Temirlan Turdaqyn jartylaı fınalda Reseı balýanyn 2:1 esebimen jeńip, fınalǵa joldama aldy. Endi ol altyn medal úshin Iran ókili ıAsın Álı ıAzdıimen beldesedi.
Al 130 kelige deıingi salmaqta Djohar Ýzarov jartylaı fınalda qarsylasyna ese jiberip, álem chempıonatynyń qola medali úshin kúresedi.
