Qazaqstandyq dzıýdoshylar Eýropa kýbogynda 22 medal aldy

ASTANA. KAZINFORM - Túrkııanyń Antalııa qalasynda jasóspirimder arasynda Eýropa kýbogy máresine jetti. 

Қазақстандық дзюдошылар Еуропа кубогында 22 медаль алды
Фото: Kazakhstan Judo Team

Jarystyń ekinshi kúninde qazaqstandyq balýandar 2 altyn jáne 3 qola júlde jeńip aldy. El quramasynan Toqtar Batyrhan (90 keli) men Myrzataı Qydyrbaı (73 keli) jeńis tuǵyryna kóterildi. Dáýletkereı Sefıl (73 keli), Ádiljan Jaýdınov (90 keliden joǵary) jáne Erdáýlet Jumabaı (90 keliden joǵary) úzdik úshtikti túıindedi. 

Aıta ketsek, atalǵan týrnırdiń alǵashqy jarys kúninde Qazaqstan jasóspirimder quramasy 17 medal enshilegen edi. Onyń — 5-eýi altyn, 3-eýi kúmis, 9-y qola medal.

Osylaısha qazaqstandyq dzıýdoshylar Eýropa kýbogynda barlyǵy 22 medal oljalap qaıtty. 

Buǵan deıin Ábıba Ábýjaqynovanyń álemdik Gran-prı jarysynyń fınalyna shyqqanyn jazǵan edik. 

Сейчас читают