Qazaqstan dzıýdoshylary Azııa oıyndaryn bastaıdy
NAGOıA.KAZINFORM — Dzıýdodan Qazaqstan quramasy 30 qyrkúıek kúni Japonııanyń Aıchı-Nagoıa qalasynda ótip jatqan HH jazǵy Azııa oıyndaryndaǵy jarys jolyn bastaıdy.
Jarystyń alǵashqy kúni, Ábıba Ábýjaqynova (48 keli) jáne Merýert Sársenova (52 keli), Eldos Smetov (60 keli) jáne Ǵusman Qyrǵyzbaev (66 keli) tatamıge shyǵady.
Jerebe qortyndysy boıynsha, Ábıba jarysty shırek fınaldan bastaıdy, al Merýert birinshi aınalymda Laos ókili Toýkkı Sengdakımen beldesedi.
Sonymen qatar Eldos alǵashqy aınalymda Ońtústik koreıalyq Lı Harımmen kezdesse, Ǵusyman shrılankalyq Karııavasam Mepegamge Dahammen kúresedi.
Aıta keterligi, dzıýdodan Qazaqstan quramasy sapynda 14 sportshy (7 er jáne 7 áıel) Azıadada baq synaıdy.
Atalǵan sport túri boıynsha Azıada jarystary 30 qyrkúıek pen 3 qazan aralyǵynda ótedi.
Osyǵan deıin habarlaǵanymyzdaı, Krıstına Ovchınnıkova bıiktikke sekirýden Azııa oıyndarynyń kúmis júldegeri atandy.
Sonymen qatar Qazaqstan erler quramasy sý dobynan Azııa oıyndarynyń jartylaı fınalyna shyqty.
