Qazaqstandyq dzıýdoshylar Azııa kýbogynda 6 altyn enshiledi

ALMATY. KAZINFORM – Almatyda Beket Mahmutovty eske alýǵa arnalǵan dzıýdodan Azııa kýbogy ótti. 

Ulttyq olımpıadalyq komıtettiń málimetinshe, atalǵan týrnırde 9 komandanyń ókilderi synǵa tústi. Jalpy esebi 355 sportshy Almaty tatamıinde ózara myqtyny anyqtady. 

Qazaqstan komandasy bul jarysta 6 altyn, 7 kúmis jáne 14 qola medal ıelenip, jalpykomandalyq esepte 2-orynnan kórindi. 

Birinshi orynǵa Ózbekstan quramasy ıe boldy. Olar 6 altyn, 7 kúmis jáne 16 qola ıelendi. Úzdik úshtikti Mońǵolııa túıindedi.