FBR Soltústik Koreıany 6 mlrd dollardan astam krıptovalıýta urlady dep aıyptady

ASTANA. KAZINFORM – AQSh-tyń Federaldyq tergeý bıýrosy (FBR) Soltústik Koreıany Binance krıptovalıýta bırjasynan quny 6 mlrd dollardan asatyn vırtýaldy aktıvterdi urlaýǵa qatysy bar dep málimdedi, dep habarlaıdy FBR.

Tramp prokommentıroval vzlom Binance ı vozmojnýıý prıchastnost KNDR
Vıdeodan alynǵan skrın

Vedomstvonyń málimetinshe, kıbershabýyl shamamen 2026 jylǵy 29 qazanda jasalǵan. Amerıkalyq tergeýshiler bul áreketti TraderTraitor degen ataýmen belgili soltústikkoreıalyq hakerler tobymen baılanystyryp otyr.

FBR AQSh Qupııa qyzmetimen (USSS) jáne Іshki kirister qyzmetiniń qylmystyq tergeý bólimimen (IRS-CI) birlesip júrgizgen zertteý nátıjesinde urlanǵan aktıvterdiń basym bóligi Ethereum (ETH) krıptovalıýtasyna aıyrbastalyp jatqany anyqtalǵan.

Amerıkalyq vedomstvolardyń boljamynsha, hakerler keıin bul qarajattyń izin jasyrý úshin ortalyqtandyrylmaǵan qarjy servısterin (DeFi) jáne krıptovalıýtany jedel aıyrbastaý platformalaryn paıdalanýy múmkin.

– FBR, AQSh Qupııa qyzmeti jáne Іshki kirister qyzmetiniń qylmystyq tergeý bólimi krıptovalıýta salasynyń ókilderin TraderTraitor toby urlanǵan aktıvterdi zańdastyrý úshin paıdalanatyn mekenjaılarmen baılanysty tranzaktsııalardy buǵattaýǵa shaqyrdy. Bul úndeý THORNode jáne RPC túıinderiniń operatorlaryna, krıptovalıýtany jedel aıyrbastaý servısterine, DeFi platformalaryna, blokcheın tranzaktsııalaryn taldaıtyn kompanııalarǵa jáne vırtýaldy aktıvter salasyndaǵy ózge de qyzmet kórsetýshilerge baǵyttalǵan. FBR sondaı-aq urlanǵan aktıvter saqtalǵan nemese buryn saqtalǵan Ethereum, Bitcoin jáne Solana jelilerindegi krıptovalıýtalyq mekenjaılardyń tizimin jarııalady, – delingen vedomstvo aqparatynda.

FBR málimetinshe, jarııalanǵan krıptovalıýtalyq mekenjaılar TraderTraitor tobynyń baqylaýynda nemese onyń múshelerimen tyǵyz baılanysty.

Amerıkalyq tergeý bıýrosy atalǵan kıberqylmysqa qatysty qandaı da bir aqparaty bar azamattardy FBR-diń jergilikti bólimshelerine nemese ınternet-qylmystar týraly shaǵymdardy qabyldaıtyn IC3 ortalyǵyna habarlasýǵa shaqyrdy.

Buǵan deıin Binance basshylyǵy hakerlik shabýyldan zardap shekken paıdalanýshylardyń shyǵynyn kompanııanyń óz qarajaty esebinen óteýge daıyn ekenin málimdegen. Sondaı-aq bırja urlanǵan aktıvterdi anyqtaý, buǵattaý jáne qaıtarý úshin quqyq qorǵaý organdarymen jáne blokcheın salasyndaǵy seriktestermen yntymaqtastyqty jalǵastyryp jatqanyn habarlaǵan.

Keıingi málimetter boıynsha, Binance urlanǵan aktıvter qunynyń 90%-yn ótegen. Bitcoin, Ethereum, Solana jáne XRP aktıvteri boıynsha shyǵyndar tolyq jabylǵan.

Aıta keteıik, buǵan deıin Binance krıptovalıýta bırjasy hakerlik shabýyl saldarynan urlanǵan aktıvterdiń 90%-yn ótegeni habarlanǵan edi. Kompanııa Bitcoin, Ethereum, Solana jáne XRP aktıvteri tolyq qamtamasyz etilgenin málimdedi.