Qazaqstandyq dzıýdoshylar 18 maýsymda álem chempıonatyn sátsiz aıaqtady

ASTANA. KAZINFORM - Majarstan astanasy Býdapeshtte ótip jatqan dzıýdodan álem chempıonatynda Qazaqstan quramasynan 18 maýsymda synǵa túsken eki balýan da júldeden tys qaldy.

El quramasynan Nurlyhan Sharhan (100 keli) alǵashqy kezdesýinde túrkimenstandyq Baımurat Majanoty «ıppon» upaıymen senimdi jeńse, odan keıin brazılııalyq Leonardo Gonsalvezge ese jiberdi.

Atalǵan salmaqtaǵy taǵy bir otandasymyz Marat Baıqamurov aldymen kýbalyq qarsylasy Zalı Ramıreske aýyrtý ádisin sátti paıdalanyp, «ıppon» upaıymen jeńiske jetken edi. Odan keıin

Marattyń kelesi qarsylasy Parıj Olımpıadasynyń chempıony, ázerbaıjandyq Zelım Kotsoevten aılasyn asyra almady.

Endi el quramasynan 19 maýsymda Erasyl Qajybaev (100 keliden joǵary) júldeni sarapqa salady.

Qazirge deıin álem chempıonatynda el quramasynan Ábıba Ábýjaqynova (48 keli) kúmis júldeger atansa, Maǵjan Shamshadın (60 keli), Sherzod Davlatov (60 keli), Ǵalııa Tynbaeva (48 keli), Ǵusman Qyrǵyzbaev (66 keli), Eset Qýanov (72 keli), Esmıgúl Kýıýlova (63 keli), Abylaıhan Jubanazar (81 keli), Meıirlan Maksım (90 keli) jarysty erte aıaqtady.