Qazaqstandyq dzıýdoshy jasóspirimder arasynda álem chempıony atandy

ASTANA. KAZINFORM — Qazaqstandyq Sanjar Erulanuly Perýdiń Lıma qalasynda jasóspirimder arasynda dzıýdodan ótip jatqan álem chempıonatynda úzdik shyqty.

Qazaqstan dzıýdo federatsııasynan málim etkenindeı, Sanjar Erulanuly 90 kelige deıingi salmaqta fınalda ýkraınalyq qarsylasy Lebıd Dmıtrony ýaqytynan buryn taza jeńdi

Álemdik reıtıngide 5-orynda turǵan qazaqstandyq dzıýdoshy jarysty ekinshi aınalymnan bastap, áýeli Mýngýn Ýchral Ýýganbaıardy (Mońǵolııa), shırek fınalda Gıorgı Gelashvılıdi (Grýzııa) joldan taıdyrdy. Al jartylaı fınalda ýkraınalyq Arkadıı Smaılovtan basym tústi.

Osyǵan deıin bıyl jasóspirimder arasynda Qazaqstan chempıonatynda 90 kelige salmaqta jeńimpaz atanǵan Sanjar endi álemdik dodada alǵash ret ozyq shyǵyp otyr.

Lımadaǵy álem birinshiligine 48 elden 403 jas tatamı sheberi qatysyp jatyr.

Eske sala keteıik, budan buryn Erkin Ǵabbasovtyń Paralımpıada oıyndarynyń kúmis júldesin enshilegenin jazǵan bolatynbyz.