Dzıýdodan qos qazaqstandyq balýan Gran-prı týrnırinde jeńimpaz atandy

 ASTANA. KAZINFORM - Horvatııa astanasy Zagreb qalasynda ótip jatqan Gran-prı týrnırinde el quramasynan Sherzod Davlatov (60 keli) pen Janarys Rahmetqalı (66 keli) chempıon atandy.

Halyqaralyq týrnırde Sherzod fınalda ázerbaıjandyq Ahmad ıÝsıfovty jeńdi. Kezdesý merziminen buryn aıaqtaldy.

Al Janarys Rahmetqalı fınalda brıtanııalyq Maıkl Fraıerdiń osal tusyn tapty. Negizgi kezeńde balýandar jeńimpazdy anyqtaı alǵan joq. Al qosymsha kezeńde (golden score) Janarys ıppon ádisimen qarsylasyn qapy qaldyrdy.

Eske salsaq, budan buryn atalǵan týrnırde qazaqstandyq Ǵalııa Tynbaeva (48 keli) atalǵan týrnırdiń kúmis júldesine ıe boldy.

Ol fınalda Azııa chempıony, álem chempıonatynyń kúmis júldegeri Kogo Vakanaǵa (Japonııa) ese jiberdi. 

Búgin elordada asyq atýdan tuńǵysh álem chempıonaty bastaldy.