Qazaqstandyq dzıýdoshy 11 jyldan keıin jastar arasyndaǵy álem chempıonatynyń altynyn jeńip aldy

ASTANA. KAZINFORM – Qazaqstandyq dzıýdoshy Sanjar Erulanuly Tashkentte ótip jatqan jastar arasyndaǵy álem chempıonatynda altyn medal jeńip alyp, el tarıhyndaǵy úshinshi álem chempıony atandy.

o
Foto: Sport komıteti

100 kelige deıingi salmaq dárejesinde beldesken Sanjar Erulanuly fınalda Japonııa ókili Shokeı Hıranony jeńdi.

Ol chempıonat barysynda Germanııa balýany Danııl Spırıdonovty, Italııa ókili Franchesko Matstsondy, shırek fınalda Ázerbaıjan sportshysy Davýd Namazlıdi, al jartylaı fınalda Ispanııa ókili Nıkıta ıÝdanovty utty.

Osy salmaqta taǵy bir qazaqstandyq dzıýdoshy Asqar Birjanov qola medal ıelendi. Ol úshinshi oryn úshin ótken beldesýde ıspanııalyq Nıkıta ıÝdanovtan basym tústi.

Asqar Birjanov jarys barysynda Úndistan ókili Harsh Sharmany jáne Lıtva sportshysy Maıýs Genısti jeńip, shırek fınalda japonııalyq Shokeı Hıranoǵa ese jiberdi. Keıin jubanysh beldesýinde Reseı ókili Vladımır Dosıakty utyp, qola medal úshin kúresýge múmkindik aldy.

– Sanjar Erulanuly — Qazaqstan tarıhyndaǵy jastar arasyndaǵy álem chempıonatynyń jeke jarysynda altyn medal jeńip alǵan úshinshi dzıýdoshy. Buǵan deıin Eldos Smetov 2010 jyly, al Magjan Shamshadın 2015 jyly álem chempıony atanǵan. Osylaısha, qazaqstandyq dzıýdo 11 jyldyq úzilisten keıin jastar arasyndaǵy álem chempıonatynyń altynyna qol jetkizdi, – delingen aqparatta.

Jeńimpazdardy marapattaý rásimine Qazaqstannyń Týrızm jáne sport mınıstri Erbol Myrzabosynov qatysty.

Tashkenttegi jastar arasyndaǵy álem chempıonatyna 82 elden 594 sportshy qatysyp jatyr.

Aıta keteıik, buǵan deıin Sanjar Erulanuly 2025 jyly Tarazda ótken jastar arasyndaǵy Qazaqstan chempıonatynda 100 kelige deıingi salmaqta jeńimpaz atanǵan edi.