Almatyda birqatar turǵyn úıde sýyq sý óshiriledi

ALMATY. KAZINFORM – Almatynyń Bostandyq aýdanynda jańa sý jelilerin paıdalanýǵa berý boıynsha josparly jumystar júrgiziledi.

Osyǵan baılanysty, 18 aqpanda saǵat 09:00-den 18:00-ge deıin Bostandyq aýdanynda ornalasqan Rozybaqıev kóshesindegi «Amır» TK, «Estet» TK, «4You», Tájibaev kóshesi boıynsha «Element» TK jáne Qojabekov kóshesiniń boıyndaǵy №6, №17/1,№ 21 úıler, «Braýn» TK men basqa da ǵımarattarǵa sýyq sý berý toqtatylady.

– Atalǵan qala sektorlaryndaǵy sýyq sýmen jabdyqtaýdyń ýaqytsha shektelýi josparly jumystardyń qaýipsizdigin qamtamasyz etý úshin qajet. Ýaqytsha qolaısyzdyqtarǵa túsinistikpen qaraýlaryńyzdy suraımyz,– delingen habarlamada.

Osyǵan deıin, Almatyda 1 aqpannan bastap sýyq sý men kárizdiń tarıfi ózgeretini týraly jazǵan edik.