Qazaqstandyq dızeldi-elektr lokomotıvter Mońǵolııaǵa jetkizile bastady

ASTANA. KAZINFORM – Ótken jyly otandyq temirjol ónimderiniń eksporty keńeıip, Qazaqstanda óndirilgen dızeldi-elektr lokomotıvteriniń alǵashqy 4 danasy Mońǵolııaǵa jetkizildi. Atalmysh lokomotıvterdiń árqaısysynyń quny 4 mıllıon dollardan asady, dep habarlaıdy Ónerkásip jáne qurylys mınıstrliginiń baspasóz qyzmeti.

Búginde otandyq lokomotıvterge Tájikstan, Ózbekstan, Ýkraına, Moldova, Ázirbaıjan jáne Túrikmenstan elderi qyzyǵýshylyq tanytyp otyr.

Dızeldi elektr lokomotıvinde qozǵaltqysh turaqty tok generatoryn nemese aınymaly tok túzetkish elektr generatoryn iske qosady.

«Qazaqstanda dızeldi-elektr lokomotıvterin «Lokomotıv qurastyrý zaýyty» AQ jáne «Elektrovoz qurastyrý zaýyty» JShS kásiporyndary shyǵarady. Ár kásiporynnyń óndiristik qýaty jylyna 100 birlik tehnıkany quraıdy», - delingen baspasóz habarlamasynda.

Aıta keterligi, elordada ornalasqan «Elektrovoz qurastyrý zaýyty» kásiporny temirjol naryǵyn 2010 jyldan bastap ıgere bastady. Zaýyt tolyq tsıkldi lokomotıvter shyǵarady jáne Ortalyq Azııanyń naryǵynda jetekshi ról atqarady.