Qazaqstandyq delegatsııa Ystanbulda VI Etnosport mádenı festıvaline qatysýda
ASTANA. KAZINFORM - Túrkııanyń Ystambul qalasynda ótip jatqan VI Etnosport mádenı festıvaline qazaqstandyq delegatsııa qatysyp jatyr. Tórt kúnge jalǵasatyn festıvalde QR aýdaryspaq jáne teńge ilý federatsııasynyń sportshylary óner kórsetýde.
Etnosport mádenı festıvaline bıyl 20-dan astam elden 1000-nan astam sportshy men mádenıet salasynyń ókilderi qatysyp jatyr. Onyń aıasynda dástúrli sport túrleri boıynsha saıystar, ulttyq salt-dástúrler, qolóner buıymdary men ulttyq taǵamdar kórmesi ótip, dástúrli mýzyka jáne dástúrli balalar oıyndary oınaldy. Sondaı-aq, qonaqtar kúzde Astanada ótetin 5-shi Dúnıejúzilik kóshpendiler oıyndary stılinde bezendirilgen qazaqstandyqtar tikken kıiz úıdi tamashalady.
Ystambuldaǵy festıvalde qazaqstandyq palýandar Birjan Qosalıev pen Syrym Іzbasarov aýdaryspaq sporty boıynsha óner kórsetti. Qos palýan da – Qazaqstannyń jáne Azııanyń birneshe dúrkin chempıony, sondaı-aq, 2-shi Dúnıejúzilik kóshpendiler oıyndarynyń jeńimpazdary. Sonymen qatar, Qazaqstan quramasynyń músheleri – Narıman Ásimjan men Azat Túlkibaı Túrkııa tórinde ulttyq sportymyz teńge ilýdi tanystyrdy.
Festıval aıasynda Búkilálemdik etnosport konfederatsııasynyń prezıdenti Nedjmettın Bılal Erdoǵan ulttyq sport federatsııalarynyń basshylarymen kezdesti.
Aıta keteıik, Etnosport mádenı festıvalin Búkilálemdik etnosport konfederatsııasy dástúrli sport túrlerin saqtaı otyryp, olardy damytý maqsatynda 6-shy jyl qatarynan ótkizilip keledi. Jyl saıyn atalǵan festıvalge mıllıonǵa jýyq adam qatysady.