Qazaqstandyq dárigerler mı metastazdaryn hırýrgııalyq operatsııasyz joıatyn múmkindikke ıe

ASTANA. KAZINFORM - Ulttyq ǵylymı onkologııalyq ortalyqta isikterdi emdeý úshin zamanaýı jelilik údetkish qoldanylady. Ol kóp jaǵdaıda dástúrli hırýrgııaǵa balama retinde paıdalanylady. Bul týraly sáýlelik terapııa bóliminiń meńgerýshisi Raýan Raıymbekov aıtty, dep habarlaıdy Úkimettiń baspasóz qyzmeti.

Júıe radıohırýrgııalyq emdeýge arnalǵan, ıaǵnı óte qysqa ýaqyt ishinde isikti joǵary dozaly radııatsııamen «kúıdirý» jolymen júzege asady.

Dárigerdiń aıtýynsha, naýqas seans kezinde eshqandaı qolaısyzdyq sezinbeıdi jáne hırýrgııalyq operatsııalarmen baılanysty bolatyn qaýipter men asqynýǵa ushyramaıdy, birden kúndelikti tirligine orala alady.

Apparatty ámbebap maqsatta, ıaǵnı, isikterdi tek mıda ǵana emes, basqa da jerlerde emdeý úshin qoldanýǵa bolady.

«Bul radıohırýrgııa dep atalady. Mı metastazdaryn dástúrli hırýrgııalyq jolmen emdeýge balama ádis. Naýqasqa ashyq operatsııa jasalmaıdy. ıAǵnı, ınvazıvti emes, anestezııasyz tásil. Munda naýqas oıaý bolady. Adamdy jatqyzamyz da, bir qalypta qozǵaltpaı ustap turyp, aýrý oshaǵyna joǵary dozada sáýle jiberemiz. Patsıent eshteńe sezbeıdi, sol oıaý qalpynda qalady jáne ári qaraı óziniń kúndelikti isterimen aınalysa bere alady», — dedi Raýan Raıymbekov.

Osyǵan deıin qazaqstandyq ǵalymdar obyr aýrýyna qarsy preparatty synaýdyń jańa kezeńin bastaǵany týraly jazdyq.