Qazaqstandyq bitimgerler Golan jotalarynda ulttyq dástúrlerdi dáriptedi
ASTANA.KAZINFORM - Birikken Ulttar Uıymynyń bólinýdi baqylaý jónindegi mıssııasy (UNDOF) aıasynda bitimgerlik tapsyrmalardy atqaryp júrgen bizdiń áskerı qyzmetshiler qazaq halqynyń baı mádenı dástúrleri men ulttyq qundylyqtaryn álemge tanytýǵa da belsendi úles qosyp keledi.
Sonyń bir dáleli retinde qazaqstandyq bitimgerler Ulystyń uly kúnine oraı sporttyq-kópshilik is-sharalar uıymdastyryp, qazaq halqynyń salt-dástúrleri men ádet-ǵuryptaryn tanystyrdy. Ulttyq taǵamdarǵa, onyń ishinde Naýryz kójege toly merekelik dastarhan dostyq pen ózara qurmet ráýishinde ótti.
Qorǵanys mınıstrligi málimetinshe, sondaı-aq, Úndistan, Nepal, Ýrýgvaı jáne Fıdjı elderiniń bitimgerlik kontıngentteri qatysqan sporttyq jarystar da tartysty órbidi. Kedergiler jolaǵymen estafeta, arqan tartý, qol kúresi, kir tasyn kóterý sııaqty saıystarda bizdiń jigitter joǵary deńgeıdegi dene daıyndyǵy men uıymshyldyǵyn kórsetip, birinshi orynǵa ıe boldy.
UNDOF mıssııasynyń ulttyq kontıngentteri qatysqan bul is-shara bitimgerler arasyndaǵy dostyq qarym-qatynasty nyǵaıtýǵa yqpal etti.
Aıta keteıik, Golan jotalaryndaǵy qazaqstandyq bitimgerler BUU medaldarymen marapattaldy.
Golan jotasynda 139 qazaqstandyq bitimger qyzmet etip júr.
