Qazaqstandyq bitimgerler Golan jotalarynda 90-nan astam turǵynǵa medıtsınalyq kómek kórsetti
ASTANA. KAZINFORM – Birikken Ulttar Uıymynyń «Bólinýdi qadaǵalaý kúshteri» mıssııasy quramynda qyzmet atqaryp júrgen qazaqstandyq bitimgerlik kontıngent áskerı qyzmetshileri Sırııa Arab Qyzyl aı uıymynyń ókilderimen birlesip gýmanıtarlyq aktsııa uıymdastyrdy. Bul týraly Qorǵanys mınıstrligi habarlady.
Sırııanyń ońtústik-batysyndaǵy Kýneıtra provıntsııasyndaǵy Trýnja eldimekeninde olar beıbit turǵyndarǵa bilikti medıtsınalyq kómek kórsetý úshin dalalyq lager qurdy. Ásirese balalarǵa, qarttarǵa jáne áleýmettik osal toptarǵa erekshe nazar aýdaryldy.
Áskerı dárigerler medıtsınalyq tekserýler júrgizip, keńes berip, muqtaj turǵyndarǵa qajetti dári-dármekterdi taratty. Kómekke júgingen naýqastar arasynda jıi kezdesetin dıagnozdar: jedel respıratorlyq aýrýlar, tirek-qımyl júıesi aýrýlary, arterııalyq gıpertenzııa jáne qant dıabeti.
Atalǵan aktsııa Qazaqstannyń bitimgerlik qyzmettegi belsendi rólin aıqyndap, eldiń halyqaralyq bedelin nyǵaıtýǵa jáne azamattyq soǵys saldarynan gýmanıtarlyq daǵdarysqa ushyraǵan jergilikti turǵyndardyń senimin arttyrýǵa yqpal etti.
Qazaqstandyq bitimgerler barlyǵy 93 naýqasqa medıtsınalyq tekserý júrgizip, joǵary daıyndyq deńgeıin, jaýapkershiligin jáne jergilikti halyqtyń qajettilikterine jedel áreket etýge ázirligin kórsetti.
Qazaqstandyq bitimgerler BUU mıssııasyna tolyq daıyn ekenin jazǵan edik.
Qazaqstandyq bitimgerler Golan jotalarynda ulttyq dástúrdi dáriptedi.
