Qazaqstandyq bitimgerler Golan jotalaryna attandy
ASTANA. KAZINFORM – Almatydan Qazaqstannyń úshinshi ulttyq bitimgerlik kontıngentiniń ekinshi toby Golan jotalary aýmaǵyna attandy.
Qorǵanys vedomstvosynyń málimetinshe, qazaqstandyq áskerı qyzmetshiler BUU-nyń Bólinýdi baqylaý kúshteri mıssııasy quramynda qyzmet ótkeredi.
Kontıngent quramyndaǵy 69 áskerı qyzmetshi arnaıy daıyndyqtan ótip, júktelgen mindetterdi oryndaýǵa tolyq ázirlengen.
– Qazaqstandyq bitimgerler atysty toqtatý rejıminiń saqtalýyn qadaǵalap, patrýldeý jumystaryn júrgizip, óńirdegi turaqtylyq pen qaýipsizdikti nyǵaıtýǵa úles qosady, – dep habarlady vedomstvo.
Mınıstrlik málimetinshe, Qazaqstannyń BUU-nyń bitimgerlik operatsııalaryna qatysýy Qarýly kúshterdiń joǵary daıarlyq deńgeıin kórsetedi.
Sonymen qatar bul elimizdiń halyqaralyq arenadaǵy bedelin arttyrýǵa yqpal etedi.
– Bul – áskerı qyzmetshiler úshin úlken jaýapkershilik qana emes, jahandyq beıbitshilik pen qaýipsizdikti qamtamasyz etý jolyndaǵy mańyzdy mıssııa, – dep atap ótti vedomstvo.
Aıta keteıik, Dýshanbede qazaqstandyq bitimgerlerge arnalǵan estelik buryshy ashyldy.
