Qazaqstandyq bitimgerler áskerı paradta júrip ótti
ASTANA. KAZINFORM – Elordada Jeńistiń 80 jyldyǵyna oraı ótip jatqan áskerı paradqa bitimgerler toby qatysty.
Paradtyq eseptopty Bitimgerlik operatsııalar ortalyǵynyń bastyǵy І jáne II dárejeli «Aıbyn» ordenderiniń ıegeri podpolkovnık Jiger Aıpov bastady.
Astanada áskerı parad ótip jatyr. Saltanatty is-sharaǵa Memleket basshysy Qasym-Jomart Toqaev qatysyp otyr.
Oǵan elordadaǵy paradqa el óńirlerinen soǵys ardagerleri keldi.
Eske keteıik, 12 sáýirde qazaqstandyq bitimgerler Sırııadan elge oraldy.
Eske salsaq, 2024 jyly naýryzda Qazaqstannyń alǵashqy ulttyq bitimgerlik kontıngenti (139 áskerı qyzmetker) BUU mıssııasy aıasynda Golan jotalaryna jiberildi. Áskerı qyzmetshiler mobıldi patrýldeý, baqylaý beketterin kúsheıtý, evakýatsııa jáne mınasyzdandyrý jumystaryn oryndady.
Sırııadaǵy tóńkeris kezinde qazaqstandyq bitimgerler BUU-nyń 24 qyzmetkerin evakýatsııalady.
Sondaı-aq Prezıdent bitimger áskerı qyzmetshilerdi memlekettik nagradalarmen marapattady.