Qazaqstandyq brokerler endi EAEO bırjasyna qatysatyn bolady

ASTANA. KAZINFORM – Qazaqstan úkimeti el Prezıdenti Qasym-Jomart Toqaevqa qol qoıý úshin brokerler men dılerlerdi Eýrazııalyq ekonomıkalyq odaqtyń (EAEO) qor naryqtaryna ózara kirgizý týraly kelisimdi joldady.

-QR Úkimeti qaýly etedi: «Eýrazııalyq ekonomıkalyq odaqqa múshe bir memlekettiń brokerleri men dılerlerin basqa múshe memleketter bırjalarynyń (saýdany uıymdastyrýshylardyń) uıymdastyrylǵan saýda-sattyǵyna qatysýǵa ruqsat berý týraly kelisimge qol qoıý týraly» Qazaqstan Respýblıkasynyń Prezıdenti Jarlyǵynyń jobasy Qazaqstan Respýblıkasy Prezıdentiniń qaraýyna engizilsin,- delingen qujatta.

Kelisimniń nysanasy bir múshe memlekettiń brokerleri men dılerlerin basqa múshe memlekettiń bırjasy (saýdany uıymdastyrýshy) ótkizetin, baǵaly qaǵazdarmen jáne (nemese) týyndy qarjy quraldarymen uıymdastyrylǵan saýda-sattyqqa (týyndy qarjy quraldary bolyp tabylatyn sharttar jasasýǵa) (budan ári – týyndy qarjy quraldary) qatysýǵa ruqsat berýdi qamtamasyz etý bolyp tabylady.

-Árbir múshe memleket dılerlik qyzmetti júzege asyrý úshin basqa múshe memleketterdiń dılerleriniń, sondaı-aq osy baptyń 10-tarmaǵynyń erejelerin eskere otyryp, tek qana ulttyq klıentter men sheteldik klıentterdiń múddesinde brokerlik qyzmetti júzege asyrý úshin basqa múshe memleketterdiń brokerleriniń bırjanyń (saýdany uıymdastyrýshynyń) uıymdastyrylǵan saýda-sattyǵyna qatysýyna ruqsat berý úshin jaǵdaılar jasaıdy, -delingen qujatta.

Osyǵan deıin Qazaqstan qor bırjasynda tsıfrlyq teńge qoldanylýy múmkin ekeni týraly jazdyq.