Qazaqstandyq birqatar fýtbolshylardyń quny joǵarylady

ASTANA. KAZINFORM - Transfermarkt portaly málimeti boıynsha qazaqstandyq birqatar fýtbolshylardyń quny joǵarylady.

Onda bir jyl burynǵy jáne sońǵy naryqtyq quny eskerilgen. Bul boıynsha Qazaqstan ulttyq quramasynyń shabýylshysy Ǵalymjan Kenjebek kósh basynda tur. Jartylaı qorǵaýshynyń naryqtyq quny birshama óskeni baıqalyp otyr. Fýtbolshynyń quny bir jylda 375 myń eýrodan 600 myń eýroǵa artty. Ósim kórsetkishi - 166 paıyz. Mamandar ony qazaqstandyq fýtbol úshin óte sırek kezdesetin dınamıka retinde baǵalaıdy. 

Ekinshi orynda turǵan Reseıdiń «Ahmat» klýbynyń shabýylshysy Maksım Samorodovtyń baǵasy 1,3 mıllıon eýrodan 2,5 mıllıon eýroǵa deıin ósip, 108 paıyzǵa jetti. Úzdik úshtikti túıindegen semeılik «Elimaıdyń» qorǵaýshysy Ádilbek Jumahanovtyń naryqtaǵy baǵasy 250 myń eýrodan 600 myń eýroǵa deıin kóterilip, 71 paıyzǵa ósti.

Sondaı-aq bul tizimde jaqynda Shotlandııanyń «Harts» klýbyna aýysqan Islam Chesnokov, Damır Qasabýlat («Qaırat»), Stas Pokatılov («Sabah», Ázerbaıjan), Artýr Shýshenachev («Aqtóbe»). Aleksandr Zýev («Tobyl»), Dastan Sátpaev («Qaırat») bar.

Aıta ketsek, budan buryn qazaqstandyq «Qaırat» fýtzal komandasy halyqaralyq Futsal Planet premııasyna úmitker retinde usynyldy.