Qazaqstandyq boksshylardyń Azııa oıyndary fınalyndaǵy qarsylastary anyqtaldy
ASTANA. KAZINFORM - 2026 jylǵy Azııa oıyndarynda Qazaqstan quramasynan fınalǵa shyqqan eki boksshynyń qarsylastary anyqtaldy.
Qurlyqtyq básekede búgin, 30 qyrkúıekte elimizdiń atynan tórt boksshy synǵa tústi. Olardyń arasynan 70 kelide Tórehan Sabyrhan ózbekstandyq Shavkatjon Boltoevty qapy qaldyrdy.
Sondaı-aq 29 qyrkúıekte 90 keliden joǵary salmaqta Aıbek Oralbaı úndistandyq Narenderdi 5:0 esebimen jeńip, fınalǵa joldama aldy.
Endi 2 qazanda Tórehan Sabyrhan fınalda ıordanııalyq Zeııad Ishaıshpen qolǵap túıistirse, sol kúni Aıbek Oralbaı ózbekstandyq Jahongır Zokırovpen sheberlik baıqasady.
Al el quramasynan Alýa Balqybekova (51 keli), natalıa Bogdanova (75 keli), Mahmud Sabyrhan (55 keli) qola júldeger atandy.
Qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Aıta ketsek, qazirge deıin el quramasynan Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan edi.
Eske salsaq, Azııa oıyndarynda fınalǵa qaı elden qansha boksshy ótkeni belgili boldy.
