Qazaqstandyq boksshylar World Boxing reıtınginde óz ornyn saqtap qaldy
ASTANA. KAZINFORM - World Boxing uıymy boksshylardyń kezekti jańartylǵan reıtıngin jarııalady. Jańa tizimde qazaqstandyq birneshe boksshy ózderiniń kóshbasshy oryndaryn saqtap qaldy.
Reıtıngte Sanjar Táshkenbaı (50 keli), Mahmud Sabyrhan (55 keli), Tórehan Sabyrhan (70 keli), Natalıa Bogdanova (70 keli), Aıbek Oralbaı (90 keliden joǵary) birinshi orynǵa turaqtady.
Reıtıngte Nazym Qyzaıbaı (48 keli), Aıda Ábikeeva (65 keli), Nurbek Oralbaı (80 keli) ekinshi orynda tur.
Úzdik úshtiktiń qataryna eki Álem kýbogynyń kezeńinde jeńiske jetken Vıktorııa Grafeeva (60 keli) kirse, Alýa Balqybekova (51 keli), Nadejda Rıabets (80 keli), Dına Islambekova (80 keliden joǵary), Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli) óz oryndaryn saqtap qaldy.
Aıta keteıik, Qazaqstan quramasynyń boksshylary maýsym aıynda Qytaıdyń Gýııan qalasynda ótken Álem kýbogynyń ekinshi kezeńine qatysyp, 5 altyn jáne 3 qola medal enshilegen edi.
Eske salsaq, Evander Holıfıld Qyrǵyzstanda boks akademııasyn ashýdy josparlap otyr.
