Qazaqstandyq boksshylar WBC uıymynyń gran-prı týrnırine qatysady

ASTANA.KAZINFORM –Qazaqstandyq 5 boksshy Dúnıejúzilik boks keńesi (WBC) alǵash ret uıymdastyryp otyrǵan «The Riyadh Season WBC Boxing Grand Prix» týrnırinde óner kórsetedi.

WBC uıymynyń habarlaýynsha, gran-prı jeńil salmaq, birinshi orta salmaq, orta jáne aýyr salmaq syndy 4 salmaq kategorııasy boıynsha ótedi. Oǵan álemniń 41 elinen kelgen 128 boksshy qatysady dep josparlanyp otyr. 

Baıraqty básekede ár salmaqta 16 jekpe-jek ótip, boksshylar úsh mınýttan 6 raýnd judyryqtasady.

Sondaı-aq,týrnırge 26 jasqa deıin kásipqoı bokstaǵy rekordy 15 jekpe-jekten az jastar qatysady.

Aıta keterligi,qatysýshylar tizimi arasynda 5 qazaqstandyq sportshy bar. Olar:

Jeńil salmaq – Aleksandr Kovrıgın, Joldas Jeńisov.

Birinshi orta salmaq – Nurjan Serikbaev, Sanatáli Tóltaev.

Orta salmaq – Elhan Tabynbaev.

«The RiyadhSeason WBC Boxing Grand Prix» týrnıri Saýd Arabııasynyń astanasy Er-Rııad qalasynda 17 sáýir bastalyp, 20 jeltoqsan óz máresine jetedi. Alǵashqy kezeń17-20 sáýir aralyǵynda ótedi dep josparlanyp otyr.