Qazaqstandyq boksshylar WBA reıtınginiń úzdik bestigi men TOP-10-dyǵyna endi

Dúnıejúzilik boks qaýymdastyǵy (WBA) barlyq salmaq dárejesindegi reıtınginiń jańartylǵan nusqasyn jarııalady. Kazinform bul týraly Sports.kz saıtyna silteme jasap habarlaıdy. 

Qazaqstandyq boksshylardyń pozıtsııalary tómendegideı:

Asa aýyr salmaqta Ivan Dychko 15-orynda qaldy.

Ekinshi orta sanatta Bek Nurmaǵanbet bir orynǵa keıin sheginip, onynshy orynǵa turaqtady.

Birinshi jartylaı orta salmaqta Janqosh Turarov reıtıngide jetinshi orynmen endi. Esterińizge sala keteıik, Turarov jeltoqsanda japondyq Akıhıro Kondony jeńip, IBO jáne WBA Gold tujyrymdary boıynsha álem tıtýldaryn biriktirgen bolatyn.

Dál osy salmaqta 14-orynda turǵan Batyr Júkembaev 11-orynǵa kóterildi. Ótken aıda Júkembaev frantsýz Mohamed Mımýndy tóreshi sheshimimen jeńip, WBA Continental North Americas tıtýlyn qorǵady.

Ekinshi jeńil salmaqta Sultan Zaýrbek altynshy orynnan besinshi orynǵa kóterildi. Qarasha aıynda Sultan argentınalyq Serhıo Martın Sozany altynshy raýndta tehnıkalyq nokaýtpen jeńgen bolatyn.

Evgenıı Pavlov ekinshi jeńil salmaqtaǵy reıtıngide altynshy oryndy saqtap qaldy.