Qazaqstandyq boksshylar U19 álem chempıonaty fınalynda qaı ýaqytta rıngke shyǵady
ASTANA. KAZINFORM — Qazaqstandyq boksshylar Chernogorııanyń Býdva qalasynda ótip jatqan World Boxing uıymynyń 19 jasqa deıingiler arasyndaǵy álem chempıonatynyń fınalynda kimdermen saıysqa túsetini belgili boldy.
Sheshýshi jarys kúni, 27 qazanda el quramasynan 4 otandasymyz bas júldeni sarapqa salady. Olardyń 1-eýi kúndizge, 3-eýi keshki sessııada synǵa túsedi.
Kúndizgi sessııa
7-jup. 70 keli.Bıbarys Áshirbaı — Djon Donohýe (Irlandııa)
Keshki sessııa
4-jup. 57 keli. Alına Qudaıgenova — Anastasııa Golýnova (Reseı)
8-jup. 80 keliden joǵary. Zarına Tolybaı — Samıra Itonıeva (Reseı)
10-jup. 90 keliden joǵary. Vladıslav Samojonov — Islam Salıhov (Ózbekstan).
Sondaı-aq el quramasynan Madıra Jumaqan (51 keli), Danııar Aqbısenov (60 keli), Indıra Qydyrmoldaeva (60 keli), Zarına Tolybaı (80 keliden joǵary), Erketań Jarqynbek (90 keli) qola júldeger atandy.
Aıta ketsek, álem chempıonatyna barlyǵy el quramasy sapynda 20 boksshy attanǵan edi. Olardyń qatarynda uldarda Ádil Asqanbaı (50 keli), Aıdos Úsenov (55 keli), Danııar Aqbisenov (60 keli), Aqjúrek Qalabaı (65 keli), Bıbarys Áshirbaı (70 keli), Ámir Ramazan (75 keli), Tımýr Taıbekov (80 keli), Rýslan Ahmetov (85 keli), Erketan Jarqynbek (90 keli), Vladıslav Samojonov (90 keliden joǵary) bar.
Al qyzdarda Jadyra Qaltaı (48 keli), Mádıra Jumaqan (51 keli), Janel Imantaeva (54 keli), Alına Qudaıgenova (57 keli), Indıra Qydyrmoldaeva (60 keli), Aısulý Muhıt (65 keli), Kamıla Ospanova (70 keli), Altyngúl Aımahan (75 keli), Aıdana Ýbaıdýllaqyzy (80 keli), Zarına Tolybaı (80 keliden joǵary) el namysyn qorǵaýǵa múmkindik aldy.
