Qazaqstandyq boksshylar Serbııadaǵy halyqaralyq týrnırde jeti medal jeńip aldy
ASTANA.KAZINFORM - Qazaqstan quramasy bokstan Serbııanyń Belgrad qalasynda ótken halyqaralyq týrnırde jeti medalǵa ıe boldy.
QR UOK málimetinshe, atalǵan baıraqty básekede jalǵyz altyn medaldi Nurasyl Tólebek (60 kelige deıin) jeńip aldy.
Nurbek Mursal (70 kelige deıin) jáne Ibragım Betaev (90 kelige deıin) kúmisten alqa taqty.
Al Nurzat Ońǵarov (50 kelige deıin), Nursultan Shildebaı (80 kelige deıin), Aıan Qalmaǵanbetov (85 kelige deıin), Aslan Eldibaıuly (90 keliden joǵary) jarysty qola júldemen aıaqtady.
Aıta keteıik, Qazaqstan quramasy bokstan U17 sanatyndaǵy Azııa chempıonatynda 16 medal jeńip alǵan edi.
