Qazaqstandyq boksshylar Majarstanda ótken halyqaralyq týrnırde bes altyn aldy

ASTANA. KAZINFORM – Qazaqstandyq boksshylar Debretsende (Majarstan) Ishtvan Bochkaıdy eske alýǵa arnalǵan halyqaralyq týrnırde bes altyn aldy.

Barlyǵy 9 qazaqstandyq sportshy fınalǵa shyqsa, sonyń beseýi chempıon atandy.

Atap aıtqanda, Ashat Júsipov 48 kelige deıingi salmaqta ýkraınalyq Andreı Tıshkovechti basym daýyspen jeńdi.

Sondaı-aq Asyljan Serikbaı (57 kg) majarstandyq Roland Vereshti, Bıbarys Jeksen (60 kg) taǵy bir sharshy alań ıesi Krýzıto Kovachty, Ertýǵan Zeınýllınov (63,5) Rıchard Kovachty basym daýyspen utty. Erasyl Jakpekovtiń (80 kg) qarsylasy, majarstandyq Pal Kovach rıngke shyqpaǵandyqtan, jeńis qazaqstandyq boksshyǵa berildi.

Danııal Sábıt (51 kg) majarstandyq Attıla Bernatqa basym daýyspen ese jiberdi. Taǵy bir majarstandyq Gabor Vırban (54 kg) Kenje Muratulyn tóreshilerdiń biraýyzdan sheshimimen qapy qaldyrdy.

Sabyrjan Aqqalyqov (71 kg) ýkraınalyq ıÝrıı Zahareevke basym daýyspen jol berdi. Temirlan Muqataev ta (86 kg) ýkraınalyq Danıl Jasannan jeńilip qaldy – 0:5.