Qazaqstandyq boksshylar Qytaıdyń Gýııan qalasynda ótken álem kýbogynda 5 altyn aldy
ASTANA. KAZINFORM - Qazaqstandyq boksshylar Qytaıdyń Gýııan qalasynda ótken álem kýbogynyń ekinshi kezeńindegi jarysty aıaqtady, dep habarlaıdy QR Ulttyq olımpıadalyq komıteti.
Іri halyqaralyq týrnırde Qazaqstan quramasy bes altyn medal jeńip aldy.
El qorjynyna túsken sońǵy altyn júldeni Aıbek Oralbaı ıelendi. 90 keliden joǵary salmaq dárejesiniń fınalynda qazaqstandyq boksshy Germanııa ókili Nıkıta Pýtılovtan basym tústi.
Buǵan deıin álem kýbogy kezeńinde Sanjar Táshkenbaı (50 kelige deıin), Nazym Qyzaıbaı (54 kelige deıin), Vıktorııa Grafeeva (60 kelige deıin) jáne Abylaıhan Júsipov (70 kelige deıin) chempıon atanǵan bolatyn. Al Aıda Ábikeeva (65 kelige deıin), Valerııa Aksenova (80 kelige deıin) jáne Dına Islambekova (80 keliden joǵary) jarysty qola medalmen aıaqtady.
Osyǵan deıin Aıbek Oralbaıdyń Álem kýbogynyń chempıony atanǵany týraly jazdyq.
