Qazaqstandyq boksshylar halyqaralyq týrnırden 13 medal enshiledi

PARIJ. KAZINFORM – Reseıdiń Chıta qalasynda bokstan jastar arasyndaǵy Eýrazııa kýbogy týrnıri aıaqtaldy, dep habarlaıdy Olympic.kz.

Bul – Qazaqstan quramasy úshin qazan aıynda Chernogorııada ótetin álem chempıonatyna daıyndyq kezeńi. Birinshi qurammen barǵan jastar komandasy 13 júlde enshiledi. 67 kelide Tórehan Sabyrhan týrnır jeńimpazy atandy.

57 kelide Janseri Kósherbaev pen 80 kelide Madııar Beksultanov fınalda tóreshiler sheshimimen jergilikti boksshylarǵa jol berip, kúmis júldege ıe boldy.

Al, 10 sportshy, atap aıtar bolsaq, 51 kelide Beksultan Boranbek, 54 kelide Ádilbek Qojahan, 54 kelide Álı Murat, 57 kelide Baýyrjan Muratov, 63,5 kelide Asylhan Kósherbaı, 63,5 kelide Ahmet Úsen, 71 kelide Óner Seıilhan, 75 kelide Sanjarálı Begalıev, 80 kelide Damır Sıneev, 92 kelide Aslan Eldibaıuly qola júldege qol jetkizdi. 

Esterińizge sala keteıik, jastar quramasynyń aǵa bapkeri qyzmetin atqarǵan Qaırat Sátjanov tamyz aıynda ulttyq quramanyń bas bapkeri qyzmetine taǵaıyndaldy. Qazirgi ýaqytta jastardy Baǵdat Ońǵarbekov jattyqtyrady.