Qazaqstandyq boksshylar Azııa chempıonatynda on jartylaı fınaldyń toǵyzynda jeńdi

ASTANA. KAZINFORM – Taılandtyń Chıangmaı qalasynda bokstan Azııa chempıonatynyń erler arasyndaǵy jartylaı fınaldyq kezeńi aıaqtaldy, dep habarlaıdy Olympic.kz.

Qazaqstan quramasynyń on boksshysy jartylaı fınalda óner kórsetip, toǵyz otandasymyz fınalǵa shyqty.

• 48 kelige deıin: Sanjar Táshkenbaı japondyq Kazýma Aratakeni senimdi túrde jeńdi.
• 54 kelige deıin: Mahmud Sabyrhan taılandtyq Saravýt Sýkhtetten basym tústi.
• 57 kelige deıin: Orazbek Asylqulov mońǵolııalyq Lýndaa Gantýmýrdy jeńip, fınalǵa ótti.
• 67 kelige deıin: Dýlat Bekbaýov tájikstandyq Shýhrat Salomatovtan aılasyn asyrdy.
• 71 kelige deıin: Abylaıhan Júsipov taǵy bir tájik boksshysy Shohobjon Shýkýrovty jarystan shyǵardy.
• 75 kelige deıin: Dıas Moljigitov ýkraınalyq Pavlo Ilıýshany jeńip, fınalǵa joldama aldy.
• 80 kelige deıin: Ókinishke oraı, Erasyl Jaqpekov ózbekstandyq Týrabek Habıbýllaevqa jol berdi.
• 86 kelige deıin: Bekzat Nurdáýletov ýkraınalyq Danılo Jasandy jeńip, fınalǵa shyqty.
• 92 kelige deıin: Saǵyndyq Toǵambaı jartylaı fınalda qytaılyq Týımıao Lıýdi merziminen buryn jeńip, fınalǵa ótti.
• 92 keliden joǵary: Aıbek Oralbaı ózbekstandyq Djahongır Zokırovty jeńip, altynǵa talasatyn boldy.

Erler arasyndaǵy fınaldyq jekpe-jekter 11 jeltoqsanda ótedi.