Qazaqstandyq boksshylar álem kýbogynda 18 maýsymda kimdermen synǵa túsedi
ASTANA. KAZINFORM — Qytaıdyń Gýııan qalasynda ótip jatqan Álem kýbogynda qazaqstandyq boksshylar 18 maýsymda kimdermen synǵa túsedi.
Bul kúni el quramasynan úsh boksshy sharshy alańǵa shyǵady. Olardyń ekeýi — áıelder, bireýi — erler quramasynan. Otandastarymyzdyń barlyǵy kúndizgi sessııada synǵa túsedi.
Kúndizgi sessııa (Qazaqstan ýaqytymen 09:00)
1-jup. 51 keli. 1/8 fınal. A rıngi
Alýa Balqybekova — Irısmar Kardozo (Venesýela)
6-jup. 65 keli. 1/8 fınal. A rıngi
Sanatáli Tóltaev — Patrıs Mýgalzaı (Anglııa)
9-jup. 54 keli. ¼ fınal. A rıngi
Nazym Qyzaıbaı — Vıktorııa Rogalınska (Polsha).
Aıta ketsek, budan buryn qazaqstandyq boksshylar Brazılııanyń Fos-dý-Igýasý qalasynda 20-26 sáýir aralyǵynda ótken álem kýbogyn úzdik úshtikte aıaqtady.
Qazaqstandyq boksshylar bedeldi básekeni úsh altyn, bir kúmis, úsh qola medalmen aıaqtady.
Al fınaldyq kezeń qarasha aıynda Ózbekstanda ótedi. Degenmen naqty kúni men jarys ótetin qala ázirge belgilengen joq.
Aıta ketsek, budan buryn Sabyrjan Aqqalyqov álem kýbogyn aıaqtady.
