Qazaqstandyq boksshylar álem kýbogynda 17 maýsymda qandaı nátıjege jetti
ASTANA. KAZINFORM — Qytaıdyń Gýııan qalasynda ótip jatqan Álem kýbogynda qazaqstandyq boksshylardyń 17 maýsymdaǵy nátıjesi belgili boldy.
Bul kúni el quramasynyń úsh boksshy sharshy alańǵa shyqty. Bireýi jarysty jalǵastyrýǵa múmkindik alsa, ekeýi qarsylastaryna ese jiberdi.
Jekpe-jekter nátıjesi
70 keli. 1/8 fınal.
Abylaıhan Júsipov — Kaıan Reıes (Brazılııa) — 5:0.
Álem chempıony, 70 kelidegi tájirıbeli boksshylardyń biri sanalatyn Abylaıhan Júsipov 1/8 fınalda ótken Álem kýbogynyń fınalısi Kaıan Reıespen (Brazılııa) judyryqtasty.
Otandasymyz alǵashqy raýndtan jekpe-jekti tolyqtaı óz baqylaýynda ustap, 4:1 esebimen basym tústi.
60 keli. 1/8 fınal.
Serik Temirjanov — Salım Ellıs Beı (AQSh) — 0:5.
Álem chempıonatynyń kúmis júldegeri Serik Temirjanov 1/8 fınalda AQSh-tyń jas boksshysy Salım Ellıs Beımen joly túıisti.
Otandasymyzdyń bul jekpe-jeginde tóreshiler jeńisti biraýyzdan qarsylasqa berdi.
80 keli. 1/8 fınal.
Sabyrjan Aqqalyqov — Javohır Ýmmatalıev (Ózbekstan, Álem chempıony) — 2:3.
Álem chempıonatynyń kúmis júldegeri Sabyrjan Aqqalyqov 1/8 fınalda osy salmaqtyń kóshbasshysy Javohır Ýmmatalıevpen (Ózbekstan) kúsh baıqasty. 3 raýnd boıy joǵary qarqynda ótken jekpe-jekte tóreshiler 3:2 esebimen qarsylasqa jeńisti berdi.
