Qazaqstandyq boksshylar aldaǵy daıyndyǵyn qaıda ótkizedi
ASTANA. KAZINFORM - Qazaqstan boks federatsııasy 2025 jyldy qorytyndylap, 2028 jylǵy Olımpıada oıyndarynda daıyndyq josparymen bólisti.
QBF bas hatshysy, ulttyq quramanyń burynǵy boksshysy Mereı Aqshalovtyń aıtýynsha, elimizdiń erler men áıelder quramalary barlyq josparlanǵan jarysqa qatysty.
Ol qazaqstandyq boksshylardyń World Boxing, IBA jáne basqa da uıymdardyń qoldaýymen ótken týrnırlerde tabysty óner kórsetkenin atap ótti.
Aldaǵy josparǵa keletin bolsaq, AQSh-taǵy jattyǵýlarǵa basa nazar aýdarylady.
- Bıylǵy jyly AQSh-tyń Los-Andjeles qalasynda oqý-jattyǵý jıyny ótkizildi. Oǵan tórt boksshy qatysty. Olar bir jarym aı boıy Astanada Álem kýbogyna daıyndaldy. Bolashaqta Amerıkada mundaı jıyndar júıeli túrde ótkiziledi. Óıtkeni 2028 jyly onda Olımpıada oıyndary ótedi. Sondyqtan biz sportshylardy sol elge jiberýdi jón kórip otyrmyz, - dedi Mereı Aqshalov.
Eske salsaq, qazaqstandyq kásipqoı boksshy Qanat Islam Almatyda ótýi tıis jekpe-jeginiń keıinge shegerilgenin málimdedi.