Qazaqstandyq boksshy WBA reıtınginde 15-orynǵa kóterildi
ASTANA. KAZINFORM — Qazaqstandyq boksshy Sanjar Tashkenbaı Dúnıejúzilik boks qaýymdastyǵynyń (WBA) jańartylǵan reıtıngindegi ornyna qatysty pikir bildirdi, dep habarlaıdy Sports.kz.
23 jastaǵy boksshy Instagram paraqshasynda kásipqoı bokstaǵy alǵashqy jekpe-jeginen túsirilgen vıdeony jarııalady.
— Bul tek bastamasy. WBA reıtınginde 15-oryn, — dep jazdy ol.
Sanjar Tashkenbaı kásipqoı rıngtegi debıýtin 28 tamyzda Astanada ótken IBA Nomad týrnırinde jasady. Ol fılıppındik Nıl Hakamosty (7-2, 1 nokaýt) tóreshilerdiń biraýyzdan shyǵarǵan sheshimimen jeńdi. Jekpe-jek barysynda qarsylasyn eki ret nokdaýnǵa jiberip, birinshi asa jeńil salmaqta WBA Asia aımaqtyq chempıony atandy.
Osy kezdesýden keıin Sanjar Tashkenbaı WBA reıtınginiń úzdik 15 boksshysynyń qataryna qosyldy. Sondaı-aq WBC reıtınginde 35-orynǵa jaıǵasty.
Qazaqstandyq boksshy óner kórsetetin salmaqta WBA tujyrymy boıynsha qazirgi álem chempıony — pýertorıkalyq Rene Santıago.
Aıta keteıik, bıyl tamyz aıynda Shavkat Rahmonov Sanjar Táshkenbaıdy qylqyndyrý ádisimen jeńgen bolatyn.
